Dernières nouvellesPolitique

Daly Vallet s’attaque aux médias GNBISTES qui supportent le régime actuel

L’analyste politique Daly Vallet, exprime sa déception devant le fait que des médias supportent aujourd’hui le pouvoir de Jovenel, alors que dans le passé, ils menaient le combat aux côtés des personnalités de la société civile et des étudiants de l’UEH contre le président Jean Bertrand Aristide pour fraude électorale et corruption.

Daly Vallet dénonce le silense complice de ces médias « GNBISTES »qui n’accompagnent pas le peuple haïtien dans la lutte contre la corruption, l’insécurité et la misère.

Lisez la lettre dans son intégralité avec TripFoumi Enfo

Bon gade yon koze mesye ! Mwen menm mwen pa t Ayiti nan epòk GNB an 2003 ak 2004. Mwen pa fin konnen tout aktè yo ki te anfas prezidan Aristide yo. Men gen kèk nan aktè sa yo ke tout moun te konnen nan epòk la tankou jèn aktivis nan inivèsite a.

Pou listwa m ap raple, pou jenerasyon pa m nan te rive voye diktatè Jean Claude Duvalier ale an fevriye 1986 nou menm élèv lekòl te fè preske 3 mwa pa ale lekòl. Pou nou te rive voye jeneral Namphy ale an 1987, nou te fè plizyè mwa chita lakay. Gen nan nou ki te menm pèdi ane eskolè a. Mwen se youn ladan yo. Mwen te oblije refè filo. Donk mwen pa konprann diskou reyaksyonè k ap travèse radyo yo nan moman an. Dayè lekòl dwe toujou ap fonksyone. Si lekòl pa fonksyone sè ke gen yon gwo pwoblèm nan sosyete a. Se kòz pwoblèm yo pou n atake se pa konsekans yo si nou vle rezoud yo pou n avanse.

M ap tande yon radyo la maten an souf mwen manke koupe. Tout aktivis san fwa ni lwa GNB yo se yo menm k ap denonse jodi a peyi lòk la. Yo te lòk peyi a kont Aristide men yo pa vle yo lòk peyi a kont Jovenel. Vrè sans batay kont sistèm nan se la li ye.

Laprès, jounalis ak lidè opinyon sistèm nan pa t vle Aristide donk yo te nan peyi lòk kont Ti Pè a. Men yo tout ak kèk eksepsyon aliyen jodi a pou denonse peyi lòk e defann Jovenel anba chal. Jovenel pitit sistèm nan. Kidonk laprès sistèm nan ap defann pitit sistèm nan.

Sèvitè sistèm lan gen je chèch anpil. Yo pa jennen pou montre anba yo. Peyi lòk te bon pou yo pou elimine Aristide men peyi lòk pa bon pou yo pou voye Jovenel ale. Se kòm si depi Jovenel ale se yo menm ki prale tou….ou di mwens si Jovenel pa nan Palè a ankò yo pa p nan Palè a tou.

Nou ka konprann kounye a pou ki rezon kriz la dire konsa. Sè ke Laprès an majorite, Washington, plizyè gwo bawon boujwa sektè prive ak sosyete sivil la vle bagay yo rete konsa. Estatikwo a se li ki garanti sistèm nan. Tout fòs sa yo ki te nan peyi lòk ak GNB anfas Aristide, jodi a yo tout bò kote Jovenel, bò kote sistèm nan, kont peyi lòk e anfas pèp la.

Peyi lòk vs GNB, sistèm nan di sa k te bon pou yo ak Aristide pa bon pou yo ak Jovenel.

Daly Valet
6 Novanm 2019

Venel Nelson

Adblock Detected

Please consider supporting us by disabling your ad blocker